Berria.info

Hogei urtez itxita egon ostean, zabalik da berriz ere Bilboko Campos antzokia. Atzo arratsean inauguratu zuten, Iñaki Azkuna alkatea ekitaldiko buru zela. Eta Kukai taldeak [Sok]2 obra berriaren ordu erdiko aurrerapena eskaini zuen ondoren. Bilboko Udalarena izanagatik, SGAEk ustiatuko du hurrengo 30 urteotan Campos antzokia. Eraikina zaharberritzeko lanak ere erakunde bien artean finantzatu dituzte. Bost urtez iraun dute konponketek, eta zazpi solairu ditu orain eraikinak, lehen baino bi gehiago. Hurrengo astean, hilaren 16an eta 17an, Leioako Kantika Koralak Kantika Sakra disko berria aurkeztuko du antzokian.