Berria.info

Antxo Jakituna Fundazioak eraikin berria du atzodanik. Gasteizko hirigunetik, Senda etorbidetik, Betoñura aldatu dute egoitza, Karmeldarren komentuaren ondora. Atzo iluntzean egin zuten egoitza berriaren inaugurazio ekitaldia, eta ikusgai dago nahi duenarentzat. Egoitza berriaz gain, Antxo Jakituna Fundazioak Pierre Urteren gramatika jarri du ikusgai. 1715eko obra hau euskarazko gramatikarik zaharrena da, eta orain arte Shirburneko gazteluan (Oxfordshire, Ingalaterra) egon da gordeta, Macclesfieldeko kondeena baitzen. Duela gutxi Sotheby's etxearen enkante batean Vital Kutxak erosi zituen Urteren gramatikaren sei liburukiak.