Berria.info

Arabako Diputazioak salaketa jarriko du bihar Gasteizko Fiskaltzan Eliseo Gil arkeologoaren Lurmen enpresaren aurka. Azaroaren 19ra arte enpresa horrek Veleiako aztarnategi erromatarra kudeatu zuen, harik eta Diputazioak baimena kendu zion arte, ustez iruzurra egiteagatik. Lorena Lopez de la Calle Kultura diputatuak hainbat agiri eta materialekin lagundu du salaketa, bere garaian «historiko» gisa plazaratu ziren aurkikuntzak faltsuak direla babesteko. «Salaketa honen bidez, auzitegiek gertatutako guztia argitu dezaten esperantza daukat», esan du Lopez de la Callek.