Ziaboga literarioa
Literaturaz jardutea da, literaturaz jarduteko plazer soilagatik, aldizkaria kaleratzeko arrazoi nagusia. Bateleko gidariek argi dute zer ez duten nahi, eta horren abisua dakar plazaratu duten lehenbiziko manifestuak: «Moñoñotasuna, zurikeria, bertso-kitsch-laritza, biktimismo orokortua, produktu literario paketatua, euskararen kalonjeen nagusitasuna, plastidekor-idazleak, maldistismo faltsuaz mozorrotutakoak, laurogeiko hamarkadaren (eta aurreko ia guztien) nostalgia... horiek guztiak gaitzesten ditugu eta hemen beldurrik gabe salatuko».
«Badakigu ez dugula ezer aldatuko, ezer irauliko, baina literaturaz hitz egiteko gogoa genuen eta horren inguruan elkartu gara aldizkaria egiteko», azaldu du Ibon Egañak, sustatzaileetako batek.
Aldizkariak ez du maiztasun jakinik izango, eta blog baten ereduari jarraitzen dio. Hots, argitaratu ahala mezuak ikusgai dituen sareko gune bat da. Atalen artean, kritikari garrantzi berezia eman nahi diote. Puntu horretan ahalik eta zintzoenak izateko asmoa dutela aurreratu dute: idazkuntza batzordeko kideen artean zozketatuko dute zeinek zein libururen kritika idatzi beharko duen, filien eta fobien eragina uxatzeko.
Oro har, ez dira fikziozko idazlanak argitaratuko. Hala ere, atal berezi bat jarri dute martxan Inoiz idatziko ez nukeena izenpean. Edozein testu onartezin onartuko dute, «eta egileari ziurtatzen zaio testu hura ez dela beretzat inoiz, inon, inola edo inork aipatua izango». Halaber, Testuak izeneko atalean gogoeta literarioak eta itzulpenak bilduko dituzte. Bestalde, literaturarekin edo artearekin zerikusia duten pertsonekin elkarrizketak egingo dituzte. Elkarrizketa horiek jatorrizko hizkuntzan agertuko dira aldizkarian.
Albisterik...
Irakurrienak
Bozkatuenak
-
1
-
2
-
3
-
4
-
5
Irakurrienak
© Berria.info - Euskal Editorea S.L.
Martin Ugalde Kultur Parkea, Andoain 20140 43.223785 -2.014929
Telefonoa: 943 304 030 / Faxa: 943 590 172
Laguntzaileak:
