Berria.info

Zortzigarren eguna zuen atzo Billabong Pro Mundaka probak. Zortzigarren eguna, baina zazpigarrena jarraian olatuen zain. Mundakatik Sopelara joan ziren surflariak atzo goizean, eta olatu handirik ez bazen ere, lehiaketari ekiteko moduan izan ziren. Michael Campbell australiarraren aurka zeukan saioa San Segundok -irudian, bi olatuetako bat hartzen-, eta aurkariaren azken olatuak utzi zuen kanpoan. 9,70 puntu bildu zituen zarauztarrak, eta 11,77 australiarrak. Aritz Aranburuk, berriz, irabazi egin zion Dustin Barcari lehen txandan, baina arratsaldean, Mundakan, Taj Burrow gailendu zitzaion, eta txapelketatik at gelditu da .