Berria.info

Asteazkena, 2012ko maiatzak 23 - 16:42

Iritzia
  • inprimatzeko bertsioa
  • e-postaz bidali
IRITZIA;2005-06-08;HIZT BESTE. Amona zabuan

hitz beste

Amona zabuan



Anjel Lertxundi

Gelan, andereño bat haurrekin. Andereñoari atsegin zaio asmakizunen jolas giroa bere ikasleen irudimena, logika eta hizkuntza lantzeko. «Tipitaki, tapataki, zer ote den nork daki?» formula esan eta gero, zabuari buruzko asmakizuna bota die: «Joan eta etorri, joan eta etorri, haurren jolasgarri». Haurretako batek hatza jaso eta erantzuna bota du: «Amona!».

Ez, zabua!

zuzen zezakeen andereñoak, baina txalotu egin du erantzuna, ikusi berri baitu hizkuntza ez dela norabide bakarrekoa, eta nik errotatzat daukadana erraldoia dela beste batentzat. Ikusi berri du hizkuntza tresna egokia dela errealitatea islatzeko ere, haurrak aitona-amonen esku uzteko joera islatu baitu ikaslearen erantzunak. Eta hizkuntza-adituek aipatzen ez duten ebidentzia zaharra ere etorri zaio burura: «hizkuntzaren irakaskuntzak, ororen gainetik, hitzaren poza eta lilura transmititu behar ditu».

© Berria.info - Euskal Editorea S.L.

Martin Ugalde Kultur Parkea, Andoain 20140 43.223785 -2.014929

Telefonoa: 943 304 030 / Faxa: 943 590 172

- www.berria.info

Lege Informazioa

MIDAS Kontseilua Bai Euskarari

Laguntzaileak:

Eusko Jaurlaritza

Gipuzkoako Foru Aldundia