2010-12-23
Gipuzkoako Diputazioak bi milioi euro emango ditu euskara bultzatzeko
Erredakzioa Donostia
Gipuzkoako Foru Aldundiak 2.109.490 euro jarriko ditu 2011n, euskararen erabilera eta normalizazioa bultzatzeko. 2010erako laguntzetan %20ko murrizketa ezarri zuen, eta hurrengo urterako eutsi egingo dio laguntzen kopuruari. Eskaerak egiteko epea urtarrilaren 25ean amaituko da.
Zortzi ataletan banatu dituzte lan esparruak: euskarazko aldizkako argitalpenak, euskara sustatzeko proiektuak, euskarazko ikus-entzunezko proiektuak, euskaraz garatutako haur eta gazteen aisialdirako produktuak ekoizteko proiektuak, euskarazko liburuak hedatzeko ekintzak, euskararen erabilera normalizatzeko udal planak, itzulpen praktikak egiteko bekak eta alor sozio-ekonomikoan planak egiteko proiektuak.
