Berria.info

Gehitu Euskal Herriko homosexualen elkarteak euskarazko gida bat atera du, gazte homosexualen artean hiesa eta sexu bidez kutsatzen diren gainerako gaixotasunak saihesteko eta horiei buruzko informazioa helarazteko asmoz. 40 orri ditu gidak, eta 7.500 ale kaleratu dituzte. Informazio osagarria eskainiko duen webgunea ere jarri dute abian. Gazteentzako egitasmoa da, gazte gehienek ez baitute ikusten gaixotasun horietatik babesteko premiarik.