Berria.info

Haur Hezkuntzako umeak euskarazko D ereduan matrikula ditzaten sustatzeko informazio kanpaina egingo dute Bizkaiko 45 udalerrik. D bitamina. Aberastu bere heziketa! leloko 7.600 liburuxka banatuko dituzte urtarrilaren erdialdetik aurrera. Bi eta hiru urteko seme-alabak lehenbiziko aldiz matrikulatu behar dituzten gurasoei D ereduari buruzko informazioa helaraztea da helburua.

Bizkaiko udal eta mankomunitateetako euskara zerbitzuen bilgune Alkarbideren lankidetzaz egin dute programa. Uribe Kostako, Txorierriko eta Enkarterrietako mankomunitateetako herriek hartuko dute parte, baita beste 23 udalerrik ere, besteak beste, Arrigorriagak, Balmasedak, Berrizek, Bilbok, Erandiok, Leioak, Mungiak, Sestaok eta Zierbenak.