Berria.info

Uema Udalerri Euskaldunen Mankomunitatetik ateratzea erabaki zuen Zeanuriko Udalak (Bizkaia), joan den martitzeneko udalbatzarrean, EAJk dituen bost zinegotzien aldeko botoekin. Udala osatzen duten gainontzeko lau hautetsiek -hiru independente eta EAko bat-, berriz, kontrako botoa eman zuten, eta EAJk Uematik irteteko gehiengo soila baliatu izana kritikatu zuten, atzo, Uemako presidenteagaz batera eskainitako agerraldian.

Adierazi dutenez, Zeanuriri Ueman egotea dagokio, herri euskalduna delako (euskaldunak %70 baino gehiago izatea da baldintza). Mankomunitatean egotea estrategikotzat ikusten dute euskararen normalizazio bidean, eta Uemara bueltatzeko ahalegina egingo dutela jakinarazi dute.