Berria.info

Etorkinen Legea aplikatzeko garaian gaizki ulertuak egon direla onartu du Alfredo Perez Rubalcaba Espainiako Barne ministroak. Hori berriro ez errepikatzeko, legea ondo azaldu beharko dela jakinarazi du. Atxilotu beharreko papergabekoen kopurua zehazten zen ohar bat Madrilgo komisariatik filtratu ondoren egin ditu adierazpenak Rubalcabak. Horren aurrean, Poliziaren lehentasuna delinkuentziarekin lotura dutenak atxilotzea dela adierazi du. Papergabekoak atxilotzeagatik, poliziek opor egun gehiago izaten zituztela salatu du polizien sindikatuak.