Berria.info

Michelle Alliot-Marie Frantziako Barne ministro eta Donibane Lohizuneko (Lapurdi) hautetsiak AHT bide berrien beharrik ez dagoela adierazi du. Pariserako bidean hiru minutu irabazteko mila milioi euroko inbertsioa egitea gehiegizkoa dela erran du. Salgaien garraioa egiteko bada, ez dela Lapurdi kostaldetik pasatu behar adierazi du: «Herriekin loturarik eginen ez badu, eta ez baditu turistak ekarriko, ez dugu behar horrelako xahutze handiak inposatuko dizkigun azpiegiturarik».