Berria.info

Hiriburuko auzapez eta kontseilari nagusi Alain Iriart abiadura handiko trenarentzako bide berri bat eraikitzearen aurka dago. Hori berretsi zuen, atzo, Errobi-Aturri herri elkargoko (Mugerre, Milafranga, Ahurti, Urketa eta Lehuntze) beste auzapezekin batera. Iriart izan da Paueko Kontseilu Nagusian bide berriaren aurka bozkatu zuen kontseilari nagusi bakarra. Bide horri buruzko finantzaketa planari buruz bozkatu behar zuten, eta Iriartek aurka bozkatu zuen, ez dagoelako inolako informaziorik.

Halaber, RFF (Frantziako Burdinsarea) erakundeak burdinbide berriaren erabilgarritasunari buruz emandako zenbakiak faltsuak zirela ere salatu dute auzapezek. Auzapez horiek oraingo bideak hobetzea nahiago dutela berretsi dute.