Berria.info

Espainiako Sustapen Ministerioaren Adif enpresa publikoak behatuko du Bergara eta Irun (Gipuzkoa) arteko AHTren lanen kalitatea. Adifek lanen jarraipena egingo du, eta aholkularitza eskainiko dio obraren arduradunei. Eusko Jaurlaritza ari da burutzen Gipuzkoako Euskal Y-aren lanak, guztira 18 zatitan banatuta daudenak eta 79,3 kilometro luze direnak.

Espainiako Sustapen Ministerioko ordezkariek Iurretan lurrak desjabetzeko aktak sinatzeko asmoa dute gaur. Durangaldeko AHT Gelditu! Elkarlanak elkarretaratzera deitu du, gaur, Iurretako udaletxe aurrean, 08:30ean. Bihar Iurretan eta Durangon (Bizkaia) aktak egingo dituzte.

Bestetik, Euskal Y-an lanean ari diren langileen segurtasuna bermatzen saiatzen ari dela adierazi du UGT sindikatuak.