Berria.info

Nafarroako hainbat herritarrek abiadura handiko trenarentzako 4.790 euro eskatuz jasotako eskutitzek azpiegituraren inguruko eztabaidaren zati bat zabaltzeko balio izan duela iritzi dio AHT Gelditu! Elkarlanak. «Horri esker, badakigu nafar bakoitzak 4.790 euro ordaindu beharko dituela gutxienez AHT eraikitzeko». Salatu dute AHTren proiektuaren inguruko informazioa ukatzen ari zaiola gizarteari eta ematen ari direna «propaganda hutsa» dela. Gainera, ez dute ulertzen egungo egoera ekonomikoa ikusita erakundeak AHTko proiektura halako «dirutza» bideratzea. Abiadura Handiko Trenaren Aurkako Asanbladak deituta, bestalde, larunbatean martxa egingo dute Bizkaian, Zaratamoko obretara. Martxa Arrigorriagatik (Bizkaia) abiatuko da eguerdian.