Berria.info

Iruñea

Ehun lagun inguru bildu ziren atzo eguerdian Iruñean, Sanferminetan hil zuten Nagore Laffage irundarra gogoratzeko. Tartean ziren, besteak beste, Nafarroako Gobernuko presidenteorde Javier Caballero, Gipuzkoako Batzar Nagusietako presidente Rafaela Romero, eta alderdi politikoetako ordezkari ugari. Haren senitartekoek eta lagunek Laffageren argazkiak eraman zituzten, eta kandelak eta loreak utzi zituzten haren oroimenez. Asun Casasolak, hildakoaren amak, ustez hilketa egin zuen gizonaren aurpegia erakusteko eskatu die haren ingurukoei, «harekin doanak jakin dezan nor den bera». Epaiketaren zain, espetxean dute ustezko hiltzailea .