Berria.info

Batasunak AHTren xedea gaitzetsi zuen atzo Baionako geltokian. Faltsutzat jo du bide berrien finantzaketaren karietara sortu den polemika, ez delako eztabaidatu Euskal Herriak nolako garapen eredua nahi duen. Gizarteari sakoneko eztabaida zor zaiola uste du Batasunak. Xedeari buruzko xehetasun apurrak herri mugimenduei esker plazaratu direla nabarmendu du. Ipar Euskal Herrian erabakia hartzeko egiturarik ez dagoela azaldu du. Batasunaren iritziz, errealitate horrek argi erakusten du autonomiaren beharra.

«Krisialdi ekonomiko sakonean mugildurik gaudelarik, ahalkegarria da beharrezkoa ez den azpiegitura bat egiteko hainbeste milioi xahutzea», erran du Jean Claude Agerre Batasuneko mahaikideak.

Bestalde, atzo, Ordizian lanak gelditu zituzten 25 lagunek. Bi lagun Mariaratseko tunela egiteko erabiltzen ari diren makina zulatzaileetara kateatu ziren.