2012-08-07
Gizon baten gorpua agertu da itsaslabar batean
BARRIKA. Gizon baten gorpua aurkitu zuen Ertzaintzak atzo, Barrikan (Bizkaia), hondartzako itsaslabar batean. Amildutako auto baten ondoan agertu zen hildako gizona. SOS Deietan jaso zuten autoaren berri eman zuen abisua. Ertzainek, bertara joan, eta ibilgailuaren ondoan zendutako gizona aurkitu zuten. Helikoptero bat baliatu zuten gorpua itsaslabarretik ateratzeko. Bilbora eraman zuten, autopsia egiteko.
