2012-02-10
Metroko sindikatuen arabera, %85ek egin dute lanuztea
BILBO. Bilboko Metroko langile batzordearen arabera, oihartzun «handia» izan zuen atzo egindako lau orduko lanuzteak. Langileen %85ek lanuztea egin zuten, sindikatuek jakinarazitako datuen arabera. «Oso pozik gaude emaitzarekin». Metroko langileek beste protesta bat egingo dute asteartean. 10:30ean izango da, Bilboko Metroko egoitzaren atarian. Bertan, ezarri dizkieten murrizketak salatu, eta lan gatazka konpontzeko eskatuko dute.
