Berria.info

Larunbata, 2014ko apirilak 19 - 12:54

2012-05-06

Hizpideak

Urumea

Iñaki Petxarroman

ipetxarroman@berria.info

Uraren bortitzak hartu zuen Urumea arroa duela sei hilabete. Pare bat hilabetean egin ohi duen euria bota zuen bi egun eskasean, eta ibai estuak ezin izan zion eutsi. Zabaldu zen han-hemenka, eta aspaldiko uholderik larrienak eragin, Goizuetatik hasita Donostiaraino. Ibaiak berezko ekosistema du uholde eremua, ur emari handiari eutsi ezin dionean ura askatzeko erabiltzen duen tokia. Urumean —Euskal Herriko beste arro ugaritan bezalaxe— eraikinez eta azpiegiturez bete dira eremu horiek, eta urak berea exijitzen duenean komeriak izaten dira. URA agentziako zuzendariak gogoratu du Hernani eta Donostia artean eremu «oso arriskutsuetan» eraiki izan dela. Eta deia egin du etorkizunean halakorik berriz gerta ez dadin. Ez da Francoren garaiko akatsa, ordea. Hernani, Astigarraga, Martutene eta Loiolan porlan asko bota da azken urteotan. Eta ez etxeak egiteko bakarrik. Urumeako autobidea, Donostiako saihesbidea, AHTa... Hirigintza plan horiekin, ordea, eguraldiarekin bezala gertatzen da orain: zerutik heldu direla dirudi.



© Berria.info - Euskal Editorea S.L.

Martin Ugalde Kultur Parkea, Andoain 20140 43.223785 -2.014929

Telefonoa: 943 304 030 / Faxa: 943 590 172

- www.berria.info

Lege Informazioa

MIDAS Kontseilua Bai Euskarari

Laguntzaileak:

Eusko Jaurlaritza

Gipuzkoako Foru Aldundia