Berria.info

Asteazkena, 2014ko apirilak 16 - 12:10

2012-04-25

Hizpideak

Hasiera txarra

Iker Aranburu

iaranburu@berria.info

Arazo gutxi ez, eta bada kezkatzeko beste arrazoi bat: urteko lehen hiru hilabeteotan 2.540 milioi euro bildu dituzte zergetan Arabako, Bizkaiko eta Gipuzkoako aldundiek. Iaz epe horretan bildu zuten baino %1,48 gutxiago da. Jaitsiera logikoa da, kontuan izanda duela urtebete ekonomia hazten ari zela eta orain beheraka doala. BEZaren bilketa txikitu da gehien, langabezia handitzeak kontsumoa gutxitzen duelako.

Hiru hilabeteko datua besterik ez da, eta duen garrantzia baizik ez zaio eman behar. Baina hurrengo hilabeteotan gauzek hobera egiten ez badute —eta, ezer egitekotan, okerrera egiteko itxura dute gaur egun—, Madrilek inposatutako murrizketei hemengo erakundeek beraiek erabakitakoak gehitzeko atea irekitzen du datuak. Izan ere, iaz baino 637 milioi gehiago biltzeko itxaropenarekin egin zituzten aurrekontuak, eta oraingo bilketa erritmoarekin jarraituz gero, iaz baino 170 gutxiago jasoko dituzte. 800 milioiko zuloa, iaz egindako 1.000 milioikoari gehitzeko.



© Berria.info - Euskal Editorea S.L.

Martin Ugalde Kultur Parkea, Andoain 20140 43.223785 -2.014929

Telefonoa: 943 304 030 / Faxa: 943 590 172

- www.berria.info

Lege Informazioa

MIDAS Kontseilua Bai Euskarari

Laguntzaileak:

Eusko Jaurlaritza

Gipuzkoako Foru Aldundia