Berria.info

Hiru gazte euskal diasporaren lurraldetan ibili dira: Quebec, Kalifornia, Venezuela, Argentina eta Uruguai. Bidaia horren ondorioz, dokumental bat egin dute. Ameriketan euskal kulturaren garapena aztertzen da dokumentalean, gazteen ikuspuntua oinarri izanik. Geroari eta gazteriari itzulia den proiektua da, gazteak eta populazioak euskal kulturarekiko duten harremana erakusten du dokumentalak.

Filmaren emanaldia Euskaldunen Atzerriratzea erakusketaren inguruan antolatu dute, Royal zinema eta Eusko Ikaskuntzaren eskutik. Erakusketa horretan, Kepa Etchandyk, Baionako argazkilariak, osaba baten aztarnak aurkitzen ditu Miramaren, Buenos Airesko lurraldean. Ondorioz, bere ikerketa egiten du, Amerikanoek utzitako aztarnei buruz. Hala deitzen zitzaien Ameriketatik sartu ziren euskaldunak, batzuentzat aberasturik. Gutxi izan ziren Euskal Herrira itzuli zirenak, baina haien itzulerak eragin psikologiko handia utzi zuen Amerikarraren mitoa garatuz.

Filma euskaraz da, eta frantsesezko azpidatziak ditu. Filmaren ostean, Euskaldunen emigrazioa Ameriketarat gaia izango duen mahai-inguru bat egingo dute aretoan. Elebiduna izango da, eta bat-bateko itzulpena egongo da.

'EUSKAL HERRIA HORTIK HARA'

Noiz. Gaur, 21:00etan

Non. Miarritzen, Royal zineman.