Berria.info

2007-03-17

FAST kirol elkarteak borroka arteen hainbat arlo lantzeko parada ematen du urte osoan Lapurdin, Izan dadin frantziar borroka, pancrase edo muay thaï izeneko kirola. Asteburu honetan, berriz, beroketa soila gainditu eta kirol mota horretako Europako hoberenak nola ari diren erakutsiko du. Alabaina, Makila Borrokaren Nazioarteko Txapelketa lehendabiziko aldiz Euskal Herrian iraganen da. Gaur eta bihar Jaizkibel karrikako Notary izeneko gelan bilduko dira denak. Zaleez gain, kurios ere guztiei irekiak dira egunak. Desafioez gain, Euskal Herriko makilari zenbait ere gonbidatzekoak dituzte, makilarekin nola dantza daitekeen erakusteko gisan.

Makilaren dantza eta borroka konparatzen ahalko dira bide batez. Berez, makila borroka biziki teknikoa da. Gaztainondotik hartu abarra 90 zentimetrokoa dela, aurkaria ezin da non-nahi hunki. Biziki zorrotza izatea eskatzen du.